அதிகாரின்னா இப்படி இருக்கணும்

சின்னமனூர்: "எச்.ஐ.வி., (எய்ட்ஸ்) இல்லா தம்பதிகளுக்கு மட்டுமே திருமணம்' செய்து வைக்கப்படும் என்ற புதிய திட்டத்தை அறிமுகப்படுத்தி, சின்னமனூர் மறவர் மக்கள் மன்ற திருமண மண்டப நிர்வாகிகள் அப்பாவி பெண்ணின் வாழ்க்கையை காப்பாற்றி உள்ளனர். தேனி மாவட்டம், சின்னமனூர் மறவர் மக்கள் மன்றத்தில் திருமணம் செய்யும் புதுமண தம்பதிகள் எச்.ஐ.வி., பரிசோதனை செய்ய வேண் டும் என்ற விதிமுறை உள்ளது.கடந்த வாரம் மணமகனுக்கு எச்.ஐ.வி., உள்ளது பரிசோதனையில் உறுதியானதால் தேனி அல்லிநகரத்தை சேர்ந்த மணமகளுக்கும், சின்னமனூரை சேர்ந்த மணமகனுக்கும் இங்கு நடக்க இருந்த திருமணம் நிறுத்தப்பட்டது. இதனால் அந்த அப்பாவி பெண்ணின் வாழ்க்கை காப்பாற்றப்பட்டது.

இந்த திருமண மண்டபத்தை 52 பேர் கொண்ட நிர்வாக குழு நிர்வகித்து வருகிறது. இக்குழுவினர் தலைவர் திருவாணன் 37 ஆண்டுகள் சுகாதாரத்துறையில் வட்டார சுகாதார ஆய்வாளராக பணியாற்றி ஓய்வு பெற்றவர். மண்டப நிர்வாகியாக பொறுப்பேற்றதும் திருவாணன் "மறவர் சமூகத்தில் எச்.ஐ.வி., இல்லாத தம்பதிகளுக்கு மட்டுமே திருமணம்' என்று இவர் கொண்டு வந்த திட்டத்திற்கு 52 நிர்வாக குழு உறுப்பினர்களும் ஆதரவு தெரிவித்தனர்.

இத்திட்டத்தை மறவர் சமுதாய மக்களும் ஏற்று திருமணத்திற்கு முன்னர் எச்.ஐ.வி., பரிசோதனை செய்தனர். இங்கு திருமணம் முடிக்கும் மற்ற சமுதாய மக்களும் இவர்களின் கொள்கைகளுக்கு மதிப்பளித்து எச்.ஐ.வி., பரிசோதனை செய்து வருகின்றனர். இரண்டு ஆண்டுகாலமாக இங்கு திருமணம் செய்யும் தம்பதிகளுக்கு எச்.ஐ.வி., பரிசோதனை நடத்தப்பட்டாலும், கடந்த வாரம் தான் மணமகனுக்கு பரிசோதனையில் எச்.ஐ.வி., கண்டறியப்பட்டு ஒரு திருமணம் நிறுத்தப்பட்டுள்ளது.

சென்னையில் நடந்த சுகாதாரத்துறை கருத்தரங்களில் சின்னமனூர் ஊராட்சி ஒன்றிய டாக்டர் இந்த திருமண மண்டபத்தில் அமல்படுத்தப்படும் விதிமுறை குறித்து தெரிவித்த போது, அந்த அரங்கில் இருந்த அத்தனை பேரும் கைதட்டி வரவேற்று உள்ளனர். இந்த குழுவினரின் நடவடிக்கையை முன் உதாரணமாக ஏற்று அரசு திருமணத்திற்கு முன்னர் எச்.ஐ.வி., பரிசோதனையை கட்டாயமாக்க வேண்டும் என வலியுறுத்தி உள்ளனர்.

அனைவரின் வரவேற்பையும் பெற்ற திட்டத்தை அறிமுகப்படுத்தி உள்ள இத்திருமண மண்டப தலைவர் திருவாணன், பொருளாளர் சிவானந்தன், துணை தலைவர் சந்திரன் கூறியதாவது: அனைத்து தரப்பிலும் வரவேற்பு கிடைத்துள்ளதால் திருமணத்திற்கு முன்னர் எச்.ஐ.வி., பரிசோதனை என்ற திட்டத்தை நிச்சயத்திற்கு முன்னர் வைக்க திட்டமிட்டுள்ளோம். நிச்சயம் வைத்து 3 மாதங்கள் கழித்து திருமணம் முடித்தால் மீண்டும் ஒரு முறை எச்.ஐ.வி., சோதனை செய்ய அறிவுறுத்தி உள்ளோம். அடுத்து எங்கள் சமுதாய இளைஞர்களுக்கு இலவச எச்.ஐ.வி., விழிப்புணர்வு பரிசோதனை முகாம் கருத்தரங்கு நடத்த உள்ளோம். மற்ற சமுதாயத்தினரிடம் எங்கள் கருத்துக்களை திணிக்க முடியாது. ஆனால் பின்பற்றுபவர்களுக்கு தேவையான அத்தனை உதவிகளும் செய்வோம். அரசு இதனை சட்டமாகவே கொண்டு வரலாம். இவ்வாறு தெரிவித்தனர்.

நன்றி:தினமலர்

ஜோதிடத்தின் மகிமை

ஜோதிடத்தில் நம்பிக்கையுள்ளவர்கள் இந்த செய்தியை படியுங்கள்.
http://www.dinamalar.com/Sambavamnewsdetail.asp?news_id=4118&ncat=DI&archive=1&showfrom=8/18/2008
தன் மகனை தானே கொன்றுவிட்டு வாழ்க்கை முழுக்க நரகவேதனையை சுமந்துதிரியும் எண்ணற்ற அப்பாவிகள் உருவாகிக்கொண்டே இருக்கிறார்கள்.மகனையே கொலை செய்யும் அளவுக்கு மனதில் நஞ்சை விதைத்த ஜோசியக்காரருக்கும் இந்தக்கொலையில் பங்குண்டு, ஆனால் இப்படிப்பட்டவர்கள் மீது காவல்துறையினர் நடவடிக்கை ஏதும் எடுத்தது போல் தெரியவில்லை.

சீனாவில் ஒலிம்பிக் தொடங்கும் முன் பிச்சைக்காரர்களுடன் சேர்த்து ஜோசியக்காரர்களையும் அப்புறப்படுத்தியிருக்கிறார்கள். சீனா தங்கமாக குவித்துக்கொண்டிருக்கிறது. இதை நாமும் பின்பற்றினால் அடுத்த ஒலிம்பிக்கில் தங்கம் வாங்கலாம்.

இது ஒரு பொன்மாலைப் பொழுது

அஞ்சாநெஞ்சனின் அன்புத்தம்பி அன்பிற்குரிய அண்ணன் அரவிந்த்(tbcd),மற்றும் பாசத்திற்குரிய பாஸ்டன் பாலா, இருவரது மதுரை வருகையையொட்டி தடாலடி சந்திப்பு நடைபெற்றது.அது பற்றிய சில குறிப்புகள்.6.30 மணியளவில் சந்திப்பு துவங்கியது. நான் பாபா, அரவிந்த் மூவரும் அறிமுகமாகி பேசிக்கொண்டிருந்தோம்.சீனா ஐயா சிறிது நேரத்தில் வந்து கலந்தார்.அதன்பின் தருமி ஐயா வந்து சேர்ந்தார்.பிரபு ராஜதுரை அவர்கள் நேரமின்மையால் கலந்துகொள்ள இயலவில்லை என்று தெரிவிக்கப்பட்டது.
ஆளுக்கொரு குட்டி யானை பரிசளித்து தான் யானை போன்ற வல்லமையுடையவன் என்று குறிப்பால் உணர்த்தினார் டிபிசிடி. பாபாவின் தமிழ் வலையுலகம்,இணையத்தமிழ் மீதான ஆர்வம் அவரது கேள்விகளிலிருந்தே உணர முடிந்தது,சரமாரியாக போட்டு வாங்கிக்கொண்டிருந்தார். டிபிசிடி குற்றால அருவி போல் கொட்டிக்கொண்டிருந்தார்.குறைவாகப் பேசுவன் நான் தான் என்னும் குறையைத் தீர்த்து வைத்தார் சீனா ஐயா.தருமி ஐயா உற்சாகமாக அனுபவங்களைப் பகிர்ந்து கொண்டார்.எல்லோரிடத்தும் நண்பராக இருப்பது எப்படி என்பதை பாபாவிடம் டியூசன் வைத்து கற்றுக்கொள்ள வேண்டும்,திராவிட இயக்க அரசியலின் தேவையையும்,அதிலுள்ள நியாயத்தையும் உணர்ந்தவராகவே எனக்கு அவர் தோன்றினார்.கிட்டத்தட்ட மூன்று மணி நேரம் ஒரேயிடத்தில் அமர்ந்து நேரம் போவதே தெரியாமல் பேசிக்கொண்டிருந்தோம்.
மதுரை நகரின் நல்ல ஒரு உணவு விடுதியான காலேஜ் ஹவுசில் சிற்றுண்டி முடித்துவிட்டு டிபிசிடி,மற்றும் சீனா ஐயா கிளம்பினர்.நான்,தருமி ஐயா,பாபா,அவரின் சகோதரர் அதற்குப்பிறகும் கிட்டத்தட்ட ஒரு மணி நேரத்திற்கும் மேலாக பேசிக்கொண்டிருந்தோம்.மனதுக்கு நிறைவான ஓர் அனுபவமாக இருந்தது.நன்றி அனைவருக்கும்.

மேகங்களினூடாக ஒரு பாலம்

வாய் பிளக்க வைக்கும் மனிதனின் மகத்தான சாதனை. இரண்டு மலைக்குன்றுகளுக்கு நடுவே ஆயிரம் அடி உயரத்தில் கட்டப்பட்டுள்ள பாலம், உலகின் உயரமான பாலம்.பிரான்ஸ் நாட்டில் கட்டப்பட்டுள்ள இப்பாலத்தை பார்க்கும் போது வெள்ளைக்காரன்,வெள்ளைக்காரன் தான்யா என்று எண்ணாமல் இருக்க முடியவில்லை.இந்தியாவுடன் ஒப்பிடும் போது பிரான்ஸ் ஒரு துக்கடா நாடு.அவர்களால் எப்படி இதை செய்து காட்ட முடிந்தது? அங்கே மனிதகுல வளர்ச்சிக்கு கடவுளை நம்புவதை விட அறிவியலையும்,தொழில்நுட்பத்தையும் நம்புகிறார்கள்.ஆனால் இங்கேயோ அறிவியலை நம்புவதை விட கடவுளை நம்புவது தான் சிறப்பானதாக கருதப்படுகிறது, மேலும் கடவுளிடம் பிச்சையெடுப்பதே ஆகச்சிறந்த ஆன்மீகமாகவும் கருதப்படுகிறது.மக்களின் மதவுணர்வுகளை அரசியலுக்காக பயன்படுத்திக்கொள்ளும் குள்ளநரிகளும்,பன்றிப்பிறவிகளும் நிறைந்துள்ள நம்நாடு கடைத்தேற ஏதாவது வழியுள்ளதா?

அதற்கு கலைஞரைப்போன்ற பகுத்தறியும் திறனும்,நிர்வாகத்திறமையும் அமையப்பெற்ற தலைமை இந்திய அளவில் தோன்ற வேண்டும். ஆன்மீகக் குள்ளர்கள் நிறைந்த நம்நாடு போக வேண்டிய தொலைவு வெகுதூரம். இக்குள்ளர்கள் ஆக்கபூர்வமாக எதையும் செய்யாவிட்டாலும் பரவாயில்லை , வளர்ச்சிப்பணிகளுக்கு முட்டுக்கட்டை போடாமலிருந்தாலே நாடு வளம்பெறும்.இப்படிப்பட்டவர்களுக்கு நல்ல புத்தியைக் கொடுக்கும்படி என் அப்பன் பிரிடேட்டரைக் கேட்டுக்கொள்கிறேன்.

சுப்ரீம் கோர்ட்டில் இலைக்காரன்

வலையுலகில் 80 கோடி இந்துக்களின் சார்பாக பேசக்கூடிய திறமையும்,அறிவும் பெற்றுள்ள ஒரே நபர் இலைக்காரன் என்பது நாமெல்லோரும் அறிந்ததே.அத்தகைய வாதத்திறமையுடன் சுப்ரீம்கோர்ட்டில் வக்கீல் வேணுகோபால் என்பார் பொளந்து கட்டியுள்ளார்.அவருடைய வாதத்திறமையையும் , அறிவுக்கூர்மையையும் பார்க்கும் போது அது இலைக்காரன் தான் என்பதை நாம் எளிதில் உணர்ந்து கொள்ளலாம்.மயிர்க்கூச்செறியும் அவருடைய வாதத்தைக்காண இங்கே செல்லுங்கள்.
http://www.dinamalar.com/fpnnews.asp?pg=0&news_id=596

மன்னர் டவுசரை உருவிட்டாளே

என் கன்னத்தில் அடி.உனக்கு மூன்று ரூபாய் தருகிறேன்.

இரா.அசோகன்,கோப்பெருந்தேவி,மல்லிகைமன்னன் இன்னும் ஒரு இரண்டு,மூன்று பேர்,இவர்கள் தாம் தினமலர் இது உங்கள் இடம் பகுதியில் தொடர்ந்து எழுதுபவர்கள்.அதன் வாசகர்களில் 90% பேர் பிராமணர் அல்லாதவர்களாகவே இருப்பார்கள்.அவர்களிடம் பிழைப்பு நடத்திக் கொண்டு அவர்கள் வாயிலேயே வாழைப்பழத்தை திணிக்கும் திறமைக்காக தினமலரை எவ்வளவு பாராட்டினாலும் தகும்.

தினமலரின் இணையப்பதிப்பில் பின்னூட்ட வசதி செய்யப்பட்டுள்ளது.வழக்கம் போல் அம்பியர் கும்மி அருமையாக நடைபெற்றுக் கொண்டிருக்கிறது.இந்தியாவிலேயே 27% இடஒதுக்கீடு பற்றிப் பேசுகிற ,போராடுகிற தலைவர், கலைஞராகத்தான் இருக்கும் போல் தெரிகிறது.இது ஒரு பக்கம் வேதனையாக இருந்தாலும் ஒரு தமிழனாக பெருமிதம் கொள்ளும் செய்தியாக இருக்கிறது.வடநாட்டில் போதிய விழிப்புணர்வு இல்லாததே வேதனைக்கு காரணம்.க்ரீமி லேயர் பிரச்சினையில் வட இந்திய ஆங்கில தொலைக்காட்சிகளும் கலைஞரின் செயல்களையே முக்கியத்துவம் கொடுத்து ஒளிபரப்புகின்றன.

க்ரீமி லேயர் பற்றிய கலைஞரின் கருத்தை தினமலர் இன்று வெளியிட்டுள்ளது.(http://www.dinamalar.com/fpnnews.asp?News_id=484&cls=row4)அதில் பின்னூட்டங்களை ஆங்கிலத்திலேயே வெள்ளைக்காரக்குஞ்சுகள் இட்டுள்ளனர்.கலைஞரை ஆதரித்து நான் ஒரு பின்னூட்டம் இட்டேன்.

"இடஒதுக்கீடு பிரச்சினையில் இந்தியாவிலேயே ஓங்கி ஒலிக்கும் குரல் கலைஞருடையது தான்.பிற்படுத்தப்பட்ட மாணவர்கள் என்றென்றும் கலைஞருக்கு நன்றிக்கடன் பட்டிருப்பார்கள்"

இதை ஒரு பயங்கரமான பின்னூட்டமாக கருதி இன்னும் வெளியிடாமல் வைத்திருக்கின்றனர்.தினமலரையும் காசு கொடுத்து வாங்கி சவுக்கடி வாங்கும் மக்களை நினைத்தால் கூட பாவமாக இல்லை.அவர்களுக்காக கரடியாக கத்திக்கொண்டிருக்கும் கலைஞரை நினைத்தால் தான் பாவமாக இருக்கிறது.

(தமிழ்நாட்டில் இந்தி கற்றுக்கொடுத்திருந்தால் என்ன ஆகியிருக்கும்?தமிழ்ப்பதிவுகளுக்கு இந்தியில் பின்னூட்டம் போட்டுக்கொண்டிருப்பார்கள் என்று அனாதை ஆனந்தன் ஓரிடத்திலே குறிப்பிட்டிருந்தார்.தமிழ் செய்திக்கு ஆங்கிலத்திலே பின்னூட்டம் போடும் நாதாறிகளே,திருந்தவே மாட்டீர்களா?)

பேரைக்கேட்டாலே பேதியாகுதுல்ல

பெரியார்,அண்ணா,கலைஞர் போன்றோரின் பேரைக் கேட்டாலே அலறித் துடிப்பார்கள் சிலர்.இப்படிப்பட்ட சிலரை நான் சந்தித்திருக்கிறேன்.ஒருமுறை ரயிலில் பெங்களூர் சென்று கொண்டிருந்தோம்.எதிரில் அமர்ந்திருந்தவர் பேச்சை ஆரம்பித்தார்.இந்த கருணாநிதி சண்டாளனால் தான் தமிழ்நாடே குட்டிச்சுவரா போச்சு என்று எடுத்த எடுப்பிலேயே ஆரம்பித்தார்.இப்படி ஒரு முன்முடிவுடன் பேசுபவரிடம் வாதம் செய்வது தவறு என நினைத்துக்கொண்டு பேசாமல் இருந்துவிட்டேன்.கனமான புத்தகம் ஒன்றை கையில் வைத்திருந்தார்,வாங்கிப் பார்த்தேன்.முதல் பக்கத்திலேயே பிராமணரின் இயல்புகளில் ஒன்றாக பிச்சையெடுத்து உண்ண வேண்டும் என்றிருந்தது.அதைப் பார்த்த நான் சிரித்துக்கொண்டேன்.அவரிடம் நீங்கள் என்ன செய்கிறீர்கள் என்று கேட்டதற்கு பெங்களூரில் ஒரு அதிகாரியாக பணியாற்றுவதாக சொன்னார்.

நீங்கள் எல்லாம் மணியாட்டுவதோடு நிறுத்திக்கொண்டால் கருணாநிதி ஏன் உங்களை குற்றம் சொல்லிக்கொண்டிருக்கப்போகிறார் என்று கேட்க நினைத்து வாய்வரை வார்த்தை வந்துவிட்டது.அவருடைய வயது கருதி பேசாமல் இருந்து விட்டேன்.

இவர் வயதானவர் என்றால் இன்னொருவர் இளவயதினர்.என் கடையின் வாடிக்கையாளர்.எப்போதாவது முரசொலி இதழ் வாங்குவதுண்டு.அதைக் கண்ணுற்ற அவர்,'ஆ,இதெல்லாம் கடைகளுக்கு ஓசியா போட ஆரம்பிச்சுட்டாய்ங்களா?' என்று கிண்டலாக கேட்டார்.வாடிக்கையாளர் என்பவர் நமக்கு ராஜா மாதிரி என்று படித்திருந்ததால் ராஜா சொன்ன ஜோக்குக்கு லேசாக சிரித்தேன்.உடனே அடுத்த மேட்டருக்கு தாவினார்.இந்திய கம்யூனிஸ்ட் கட்சித்தலைவர்களில் ஒருவரான ராஜா , டில்லியில் பிரபலமாகிக்கொண்டிருந்த நேரம் .'இவனுக்கெல்லாம் நேரத்தைப் பாருங்க , டிவியில உட்கார்ந்து எந்த நேரமும் பேசிக்கிட்டே இருக்கிறானே.மத்திய அரசு பெட்ரோல் விலையை அடிக்கடி உயர்த்துகிறார்களே அதற்காக எதையாவது பேசுகிறானா பாருங்கள் என்றார்.எனக்கு அதிர்ச்சியாகி விட்டது.

சாதித்திமிரை காட்டிவிட்டானே என்று அடக்க முடியாத கோபத்துடன் 'ஆமாங்க,ஜோசியம் பாக்குறதுக்கு பல்கலைக்கழகம் ஆரம்பிக்கணும்னு சொன்னானே ஜோஷி,அந்த வெண்ணை மாதிரி ஊருக்கு நாலு பேரு இருந்தா போதும்,இந்தியா வெளங்கிடும்' என்று சொன்னேன்.அந்த வாடிக்கையாளர் கோபித்துக்கொண்டு போனவர் தான் திரும்பி வரவேயில்லை.

இதையெல்லாம் எதற்கு சொல்கிறேன் என்றால் முற்போக்கு பேசுபவர்களைக் கண்டாலே பலர் ஆசனவாயில் மிளகாய்த்தூளை கொட்டியது போல் எரிகின்றனர்.இந்த எரிச்சல் நீங்க ஒரே வழி மணியாட்டுவதைத் தவிர்த்து பிற தொழிலில் ஈடுபட்டாலே தாங்கள் அணிந்திருக்கும் நூலைக் கழற்றி வைத்து விட வேண்டும்.

சுஜாதாவின் புரட்சி சிந்தனை

சிங்கங்கள் இரண்டிற்கிடையே சிக்கிக்கொண்ட மானைப்போல் தான் இருக்கிறது காஷ்மீர். காஷ்மீர் யாருக்கு சொந்தம்?, காஷ்மீரிகளுக்கு தான் சொந்தம்.இந்தியாவுக்கோ,பாகிஸ்தானுக்கோ ஒரு உரிமையும் கிடையாது.இந்தியப் பேரரசிடம் சிக்கிக்கொண்டு அவர்கள் படும் துயரம் மிகவும் பரிதாபகரமானது.காஷ்மீருக்காக இந்தியா செலவிடும் பணமோ மலைக்க வைக்கக் கூடியது,தேவையற்றதுமாகும்.
காஷ்மீர் இந்தியாவுக்கு தேவையில்லை,அதை தனி நாடாக உருவாக்கி அதற்கு நம் ஆதரவை தருவதே முறையானதாக இருக்கும்.இப்படிப் பேசுபவனை தேசத்துரோகி என்று முத்திரை குத்திவிடுவார்கள்.ஆனால் மிதவாதியாக தன்னை வெளிப்படுத்திக்கொண்ட சுஜாதா அவர்களே அங்கு நடக்கும் கொடுமை கண்டு மனம் வெறுத்து, காஷ்மீர் பிரச்சினைக்கு ஒரே தீர்வு இந்தியாவில் இருந்து அதை பிரித்து கொடுத்து விடலாம்,அதற்குத் தேவை POLITICAL WILL மட்டுமே என்று எழுதியிருந்தார்.(2006 கடைசி மாதங்களில் ஆ.வி யில்).சுஜாதா எழுத்தின் மேல் இருந்த மதிப்பு பல ஆண்டுகளுக்கு முன்பே போய்விட்டிருந்தாலும் காஷ்மீர் பிரச்சினையில் அவரது கருத்து ஒன்றுக்காகவே அவரை நான் மிகவும் மதிக்கிறேன்.
அவருடைய அறிவியல் எழுத்து தான் அவர்பால் என்னை மிகவும் ஈர்த்திருந்தது.அப்படிப்பட்டவர் ஒரு ஆன்மீகப் பத்திக்கையில் ஆன்மீக அன்பர்களை திருப்திப் படுத்தும் நோக்கில் எழுதிய ஒரு சிறு நூல் அவர் மேல் இருந்த ஆர்வத்தை பெரிதும் குறைத்து விட்டது.ஆனால் அவருடைய செயல் தந்திரம் சிறப்பானது தான்,பெரும்பாலானோருக்கு பிடிக்காத ஒன்றை சொல்வதற்கும் ஒரு WILL வேண்டும்.அது அவரிடம் இல்லை.
ஆனால் தமிழுக்கு அவருடைய பங்களிப்பின் முக்கியத்துவத்தை தமிழக முதல்வர் கலைஞர் அவர்கள் நேரில் வந்து அஞ்சலி செலுத்தியதன் மூலம் உணர முடிகிறது.
கார்ல் சாகன் எழுதிய காஸ்மாஸ் நூலை அறிமுகப்படுத்தியதற்காக அவருக்கு என் நன்றி.

வாயிலே அல்வா கிண்டிய வீராங்கனை

//இந்திரா சவானி வழக்கில், எல்லாவகையான இடஒதுக்கீடுகளும் 50 சதவீதத்தைத் தாண்டக்கூடாது என்று 16.11.1992 ல் தீர்ப்பளித்தது உச்சநீதிமன்றம். தமிழ்நாட்டில் 69 சதம் நீடிக்கத் தேவையான சட்டத் திருத்தம் செய்யப்பட்டுள்ளது. சமூகநீதி காத்த வீராங்கனைகள், வீராங்கன்கள் போன்ற பட்டங்களை ஆட்சியாளர்களுக்கு பெற்றுத் தந்த இச்சட்டத்திருத்தம் உள்ளிட்ட இடஒதுக்கீடு சட்டங்கள் எல்லாமே வெறும் ஏட்டளவு எண்ணிக்கையாக மாறிக் கொண்டிருப்பதும், அந்த ஏட்டளவு இடஒதுக்கீட்டையும் இல்லாமல் ஆக்குவதுமாகிய நிலைமையுமே இப்போது எதிர்கொள்ள வேண்டிய சவால்கள் ஆகும்.
மத்திய மாநில அரசுகளின் பல்வேறு துறைகள், பொதுத்துறை நிறுவனங்கள் ஆகியவற்றுக்கு பணிநியமனம் நடைபெறுகிற போதே ஏட்டில் இருக்கும் இடஒதுக்கீடு நடைமுறைக்கு வரும். ஆனால் பணியாளர் தேர்வு வாரியங்கள் அனைத்தும் தொடர்ந்து ஆளெடுத்து வந்த காலத்திலேயே சட்டப்பூர்வமான இடஒதுக்கீடு பூர்த்தி செய்யப்படவில்லை. பல்வேறு குளறுபடிகளை உருவாக்கி நடைமுறையில் இடஒதுக்கீட்டின் பலன் உரிய மக்களுக்கு கிடைக்காமல் பார்த்துக் கொள்வதில் உயர்சாதி மனோபாவம் தனது வன்மத்தை வெளிப்படுத்திக் கொண்டேயிருக்கிறது. இடஒதுக்கீட்டின்படியான வேலைவாய்ப்பை மறுப்பதன் மூலம், தலித்கள் மற்றும் பிற்படுத்தப்பட்டவர்கள் கையில் ஊதியமாகவும் சலுகைகளாகவும் புழங்கவேண்டிய கோடிக்கணக்கான ரூபாயை முடக்கி அவர்களை சமூகரீதியிலும் பொருளாதாரத்திலும் மேலெழ முடியாதவர்களாக ஒடுக்கும் புதிய தந்திரம் மிக நுட்பமாக கையாளப்படுகிறது.
ஆதவன் தீட்சண்யா//



ஜெயா ஆட்சியில் கஜானா காலி என்று காரணம் சொல்லி புதிய பணியிடங்களை நிரப்பாமல் இழுத்தடித்ததின் உண்மைக்காரணம் இப்போது தான் தெரிகிறது.அரசு ஊழியர்களை நாயினும் கீழாக நடத்தத் துணிந்ததின் வன்மத்தையும் புரிந்து கொள்ளலாம்.இடஒதுக்கீடுக்கு எதிரான நடவடிக்கை எம்ஜிஆரின் காலத்திலேயே முயற்சி செய்யப்பட்டது.பொருளாதார ரீதியான இடஒதுக்கீடுக்கு அவர் முயன்ற போது எதிர்க்கட்சிகளின் தீவிர போராட்டத்தினால் தன் முடிவை மாற்றிக்கொண்டார்.தன்னுடைய வேட்டியை உருவி விடுவார்களோ என்ற பயத்தில் 27% இருந்ததை தடாலடியாக 50% உயர்த்தியதாகவும் ஞாபகம்.

உண்மை நிலைமை இவ்வாறு இருக்க ஜெ யை சமூக நீதி காத்த வீராங்கனை என்று வேறு சொல்லி சிலாகித்துக் கொள்கிறார்கள்.வடிவேல் ஜோக் ஒன்று தான் ஞாபகத்துக்கு வருகிறது.50 ரூபாய் கடன் கேட்டு ஒருவன் வருவான்.அவனிடம் 50 ரூபாய் போதுமா,இன்னும் கேளு இன்னும் கேளு என்று சொல்லி கடைசியில் 500 ரூபாய் கொடுங்கண்ணே என்று கேட்பான் கடன் கேட்டு வந்தவன்.எல்லாவற்றையும் பொறுமையாக கேட்டுவிட்டு அண்ணனை நம்பி 500 ரூபாய் கேட்டாயே,ரொம்ப பெருமையா இருக்குடா,ஆனா இப்ப எங்கிட்ட அஞ்சு பைசா கூட இல்லையே என்று கூலாக சொல்வார் வடிவேலு.தூ என்று காறித்துப்பி விட்டு செல்வான் கடன் கேட்டவன்.

ஜெ க்கு பின் அமைந்த கலைஞர் ஆட்சியில் லட்சக்கணக்கில் புதிய ஊழியர்களை
தேர்ந்தெடுத்துள்ளனர்.இவருக்கு மட்டும் எங்கிருந்து பணம் வருகிறது என்று தெரியவில்லை.பணம் தேவையில்லை ,செய்வதற்கு மனம் இருந்தால் போதும்.

மோதி vs கலைஞர்

சிறுபான்மை முஸ்லிம்களை எதிர்த்து அரசியல்
செய்யும் மோதியும் , சிறுபான்மை பார்ப்பனர்களை எதிர்த்து அரசியல் செய்யும் கலைஞரும் ஒன்று தானா?

தங்களுடைய ஆதாயத்துக்காக இல்லாத ஒன்றை உருவாக்கி அதற்கு கண் , காது ஒட்டவைத்து ஈறைப் பேனாக்கி,பேனைப் பெருமாளாக்கி அதை வைத்து அரசியல் செய்வது உலகம் முழுவதுமுள்ள
அரசியல் , ஆதிக்கவெறியர்களின் வேலை தான்.

ஆனால் பிஜேபியின் கேடுகெட்ட அரசியல் வி.பி.சிங் தலைமையிலான மாபெரும் எழுச்சியை சகிக்க முடியாமல் ஆரம்பமானது.இந்து,சந்து என்று முழக்கமிடும் பி.ஜே.பி அதே இந்துக்களின் நலன் காக்கும் மண்டல் கமிஷன் பரிந்துரைகளை அமுல்படுத்துவதை தடுக்கும் நோக்கிலேயே ராமர் கோயில் பிரச்சினையைக் கையில் எடுத்தது.

அவர்களே அப்போது நினைத்துப் பார்த்திருக்க மாட்டார்கள் இப்படியொரு ஆதரவை இந்திய மக்கள் தருவார்கள் என்று.சோற்றுக்கு வழியில்லாவிட்டாலும் கடன் வாங்கி காவடி தூக்கும் மக்கள் நிறைந்த இந்தியாவில் அவர்களுக்கும் இடம் கிடைத்தது.

முஸ்லிம் என்ற ஒரு பொது எதிரியை உருவாக்கி இந்து வெறியை வென்றெடுத்துள்ளது பி.ஜே.பி.
இதற்காக அவ்வப்போது முஸ்லிம்கள் உயிர்ப்பலி கொடுக்கப்பட்டுக் கொண்டே இருக்கிறார்கள்.அதிகம் பலி கொடுத்தால் அதிகம் பலன் கிடைக்கும். இதை நன்றாகவே புரிந்து கொண்டார் மோதி.

இந்த கேவல அரசியலுக்கும் கலைஞருக்கும் முடிச்சுப் போடுகின்றனர் சில கேவல பிறவிகள்.தமிழ்நாட்டில் இதுவரை எந்த பிராமணரும் கொல்லப்பட்டதில்லை.அவர்களுடைய தத்துவங்களையும்,கோட்பாடுகளையும் கொள்கையளவில் தான் கலைஞர் எதிர்க்கிறாரே தவிர வன்முறையை என்றும் கையில் எடுத்ததில்லை.

ஆரிய எதிர்ப்பு அரசியல் செய்ய வேண்டிய தேவையும் ஆரியர்களாலேயே உருவானது.இனவெறியையும்,சாதிவெறியையும் அப்பட்டமாக கடைப்பிடித்துக் கொண்டிருந்த அந்தக்காலத்தில் திராவிட இயக்க அரசியலின் தோற்றம் தவிர்க்க முடியாத ஒன்றாக இருந்தது.

இன்னும் ஆரிய எதிர் அரசியலின் தேவை முடியவில்லை.சாதி,இன ரீதியாக தங்களை உயர்ந்தவர் என்று பறைசாற்றுவதில் பிராமணர்கள்
தான் இன்றும் முதலிடத்தில் இருக்கிறார்கள்.
பிராமணர்களை முதலிடத்தில் இருந்து வெளியேற்றியதில் இந்தியாவிலேயே தமிழகம் முதலிடத்தில் இருக்கிறது.இந்த விழிப்புணர்வு மற்ற இடங்களுக்கும் மெதுவாகப் பரவிக் கொண்டிருக்கிறது.அதை முறியடிக்கும் முயற்சி தான் இந்து வெறியர்களால் பரப்பப்படும் முஸ்லிம் எதிர்ப்புணர்வு பிரச்சாரம்.

மோதி தன்னுடைய பொருளாதாரத் தத்துவங்களால் தான் வெற்றி பெற்றார் என்று சொல்வது முட்டாள்தனமானது.லாலுவின் ஆட்சியில்
தான் பீகார் காட்டுமிராண்டி தேசமானது என்று பரப்பப்படும் விஷமப் பிரச்சாரம் போன்றது தான் மோதி ஆட்சியில் குஜராத் வளர்ந்து
விட்டது என்ற பிரச்சாரமும்.நீண்ட நெடுங்காலமாகவே குஜராத்திகள் வணிகத்திலும்,பொருள் உற்பத்தியிலும் சிறந்து விளங்கியவர்கள் தான்.

மோதி பெற்றுள்ள வெற்றி ஆயிரக்கணக்கான முஸ்லிம்களின் கல்லறைகளின் மேல் கட்டப்பட்ட வெற்றி.

எனவே மோதியின் அரசியலையும்,கலைஞரின் அரசியலையும் ஒப்பிடுபவன் ஒரு பைத்தியமாகத் தான் இருக்க முடியும்.

வல்லவனுக்கு வல்லவன்

நல்லவனா வாழ்ந்து வந்தா ஊரே தோளில் ஏறி நிற்கும்,
ஒரு வல்லவனா வாழ்ந்து வந்தா ஊரே தோளில் ஏற்றி வைக்கும்.
"தல"

அடர்ந்த காட்டுக்குள்ளே கண்களில் சிறிதும் பயமின்றி நெஞ்சு நிமிர்த்தி நடந்து வருகின்றான் அரையடி நீளம் கூட இல்லாத நம் கதாநாயகன்,அவன் ஒரு சிறு பல்லி.அவனை விழுங்கிவிட திட்டம் தீட்டி இரு வில்லன்கள் காத்திருக்கின்றனர்.ஒன்று பாம்பு,இன்னொன்று ஒரு பெரிய தவளை.

பல்லி இவர்களை கண்டும் காணாதது போல் தன் பாதையில் போய்க்கொண்டிருக்கிறது.வழக்கம் போல் பாம்பு அதைக் கவ்விப்பிடித்து விடும் என்ற எதிர்பார்ப்புடன் இருந்தேன்.ஆனால் பாம்புயோசிக்க ஆரம்பித்துவிட்டது.சில நிமிட தீவிர யோசனைக்குப் பின் தன் முடிவை கைவிட்டு விட்டது.பல்லி தொடர்ந்து நடந்து கொண்டிருக்கிறது.பெரிய தவளை விழிப்போடு காத்திருக்கிறது,தன் அருகில் வந்ததும் படக்கென்று அதைப் பிடித்து கபளீகரம் செய்து விட்டது.

அடுத்து தான் நம் கற்பனைக்கெட்டாத அந்தக் காட்சி அரங்கேறியது.சந்திரமுகி படத்தில் பேய்வீட்டிற்கு சென்று வந்த வடிவேலு "ஆ" வென்று வாயைத் திறந்து கொண்டு நிற்பாரே அதுபோல் அந்தத்தவளையும் சிலையாக நின்று விட்டது .ஆம்,செத்து விட்டது.

தவளையின் திறந்த வாய்க்குள் இருந்து நிதானமாக நடந்து வெளியே வந்துவிட்டது பல்லி.
உடம்பெல்லாம் விஷம் அந்தப் பல்லிக்கு.தவளை விழுங்கியவுடன் விஷத்தைக் கக்கியிருக்கிறது.

பல்லியின் விஷமத்தனம் தெரிந்து விலகிச்சென்ற பாம்பைப் பாராட்டுவதா,அல்லது பாம்புக்கும் தவளைக்கும் கடுக்காய் கொடுத்த பல்லியைப் பாராட்டுவதா என்று தெரியவில்லை.

(NATIONAL GEOGRAPHIC சேனலில் பார்த்தது)

இதைப்போன்ற இன்னொரு வல்லவனின் சாகசத்தைக் காண இங்கே செல்லுங்கள்.
http://kurangumudi.blogspot.com/2006/04/blog-post_28.html

கரும்பச்சைப்படங்கள்

யார் பிராமணன்?

இந்து மதம் என்பது ஒரு மதமல்ல , அதை ஒரு வாழும் நெறி என்று சொல்லலாம் என்று சுப்ரீம் கோர்ட் நீதிபதி ஒருவரே கூறியுள்ளார்.வாழும் நெறிக்கு ஆதாரம் வேதங்கள்.அதனால் இந்தமுறையை வேதநெறி அல்லது வைதீக நெறி என்று சொல்கிறார்கள்.

வேதநெறியின் படி பிராமணர் என்பவர் யார்?

குருகுலத்தில் சேர்ந்து வேதங்களை கற்றுணர்ந்து, பருவ வயதில் திருமணம் செய்து பிள்ளைகளைப் பெற்றுக்கொண்டு , பின் காட்டிற்குள் சென்று துறவறம் மேற்கொண்டு ஆன்மீக உயர்நிலையை அடைந்து, இறுதியில் யாசகம் பெற்று தன் வாழ்வை நடத்துவதே ஒரு பிராமணனின் செயலாகும்.

இந்தக்கருத்துக்களை எல்லாம் அறிந்து கொள்வதற்கு முன்பே நான் நம்முடைய அம்மண சாமியார்களை பார்த்து வியந்து இருக்கிறேன்.முற்றும் துறந்தவர்கள் அவர்கள்.தனக்கென ஒரு கோமணத்துணி கூட வைத்துக்கொள்ளாத மகான்கள் , இவர்களைத் தான் பிராமணன் என்று நாம் கருத முடியும்.இவர்களிலும் போலிகள் உண்டு , அந்த போலிகளின் வழித்தோன்றல்கள் தான் இப்போது தங்களை பிராமணர் என்று கருதிக்கொள்பவர்கள்.

கடவுள் பக்தி , ஆன்மீகம் இரண்டும் வேறுவேறானவை.மனிதன் உணவுக்காக போராடும் காலத்திலேயே கடவுளைக் கண்டுபிடித்து விட்டான்.உணவுக்காகப் போராடும் நிலை போய் சொத்து சுகங்களுடன் வாழ ஆரம்பித்த பிறகு மனிதனுக்கு ஆன்மீக சிந்தனை தோன்றுகிறது.

ஆதிவாசி ஒருவன் அம்மணமாக திரிந்தால் அது அநாகரீகமாக நம்மால் பார்க்கப்படுகிறது,அதுவே அரசன் ஒருவன் தன்னை உணர்ந்து,இவ்வுலகத்தின் நிலையாமையை உணர்ந்து, தன் அறியாமையை உணர்ந்து
விழிப்புணர்வு அடைந்து அம்மணமானால் அவன் ஒரு உயர்ந்த துறவியாக கருதப்படுகிறான்.அப்படிப்பட்டவர்கள் தான் புத்தரும்,மகாவீரரும்.

இவர்கள் தான் உண்மையான பிராமணர்கள்.இவர்கள் தாம் பெற்ற இன்பத்தை , முக்தியை அனைவரும் அடையலாம் என்று சொல்லி அதற்கான வழிகளையும் காட்டினார்கள். அதற்கு அர்த்தம் ,மனிதரில் உயர்வு, தாழ்வு கிடையாது, அனைவரும் பிராமணர் ஆகலாம் என்பது தான்.

இந்தியா செல்வச்செழிப்பில் திளைத்த அந்தக் காலத்திற்கு இதெல்லாம் பொருத்தமான சிந்தனைகள் தான்.இப்போது பெரும்பாலான மக்கள் உணவுக்குப் போராடிக்கொண்டிருக்கும் இந்தக்காலத்தில் ஆன்மீக தத்துவங்களை மூட்டை கட்டிவிட்டு கொலைவெறியுடன் உலக அரங்கில் போராட வேண்டிய கட்டாயத்தில் நாம் இருக்கிறோம்.

மேலும் விபரங்களுக்கு
http://karuppupaiyan.blogspot.com/2006/11/blog-post_29.html
http://vaithikasri.blogspot.com/2007/11/blog-post.html

உலகின் புதிய பாட்டாளிகள்

நான்கு சாலைகள் சந்திக்கும் பரபரப்பான சந்திப்பின் ஒரு ஓரத்தில் நின்று பராக்குப் பார்த்துக் கொண்டிருந்த போது காலை மணி 12.

வெயில் கொளுத்திக் கொண்டிருக்கும் அந்தச்சாலையின் ஓரத்தில் டெலிபோன் வேலைகளுக்காக பள்ளம் தோண்டும் பணியில் ஆட்கள் ஈடுபட்டுக் கொண்டிருந்தார்கள்.அவர்களில் ஒருவருடைய மனைவி கைக்குழந்தை ஒன்று,மூன்று வயதுப் பெண்குழந்தை ஒன்று சகிதமாக ஓரமாக உட்கார்ந்திருந்தார்.தோண்டிப்போடப்பட்ட மண்ணில் விளையாடிக் கொண்டிருந்தது அந்த மூன்று வயதுக் குழந்தை.என் மகளைப் போலவே நடுவகிடு எடுத்து ,ரெட்டைக்குடுமி போட்டு இருந்த அக்குழந்தையின் மீது ஒரு ஈர்ப்பு உருவாகி, வேதனையுடன் இக்காட்சியைப் பார்த்துக் கொண்டிருந்தேன். "விற்பதற்கு உடலைத்தவிர வேறு ஒன்றும் இல்லாத பாட்டாளிகள்." பேராசான் காரல் மார்க்சின் சிந்தனைகள் மூளைக்குள் அலையடித்துக் கொண்டிருந்தது.

வேலை முடிந்து மீண்டும் மண்ணை அள்ளி உள்ளே போட ஆரம்பித்த போது அந்தக் குழந்தை செய்த வேலை தான் என்னை அழ வைத்து விட்டது.தன் பங்குக்கு அதுவும் ஒரு சிறு மண்வெட்டியை எடுத்து மண்ணை அள்ளிப் போட ஆரம்பித்துவிட்டது.என் கண்ணிலிருந்து கண்ணீர் வழிந்தோடுவதை என்னால் கட்டுப்படுத்த முடியவில்லை.அந்த இடத்தை விட்டு உடனே அகன்றுவிட்டேன்.

ஏழையின் வீட்டில் பிறந்ததால் மூன்று வயதிலேயே அக்குழந்தை வெயிலில் இறங்கி வேலை செய்து பழக ஆரம்பித்து விட்டது.அதைப் போன்ற குழந்தைகளில் ஒரு 10 சவீதமாவது நன்கு படித்து ஒரு உயர்ந்த நிலைக்கு வரமுடியுமா என்பது சந்தேகமே.

அவர்கள் மீது ஏற்பட்டது பரிதாப உணர்ச்சி அல்ல, உலகின் கொடுரமான சூழ்நிலைகளில் ஒன்றை நேரில் பார்த்ததால் ஏற்பட்ட பய உணர்ச்சியாகக் கூட இருக்கலாம்.

வீட்டிற்கு வந்து மனைவியிடம் சொன்னேன்.என்னை உர்ரென்று பார்த்தார்.ஊருல உள்ளவுகளுக்கெல்லாம் இரக்கப்படுங்க, எங்களையெல்லாம் பார்த்தா மனுசனா தெரியாது என்ற தொனியில் பார்வை இருந்தது.

நெஞ்சை அழுத்தும் எத்தனையோ சம்பவங்களை காலப்போக்கில் நாம் மறந்துவிடுவோம். ஆனால் என்றென்றும் இச்சம்பவத்தை மறக்க முடியாதபடி இளவஞ்சி எடுத்த போட்டோ அமைந்துவிட்டது.

காதறுந்த ஊசியும் வாராதுகாண் கடைவழிக்கே!

உடைந்து போன ஊசியைக் கூட செத்த பின்னால் மனிதனால் கொண்டு செல்ல முடியாது,எனவே அனைவரும் இறைவனைத் தொழுது,தன்னிடம் உள்ளதைப் பிறரிடம் பகிர்ந்து வாழ வேண்டும் என்று பிரபல சித்தர் பட்டினத்தார் வலியுறுத்துகிறார்.

இதைப் போன்ற சிந்தனைகள் நம்முடைய சித்தர்களுக்குத் தான் தோன்றும்,மேலை நாடுகளில் இப்படிப்பட்ட சிந்தனை மரபு இல்லை என்று தான் தோன்றுகிறது.பொருளாயத வாழ்க்கையை முற்றமுழுக்க அனுபவித்த ஒருவனால் தான் இப்படி சிந்திக்க முடியும்.நம் முன்னோர்கள் அப்படி ஒரு ராஜ வாழ்க்கையை வாழ்ந்துள்ளனர்.

இதே கருத்தை வலியுறுத்துவதாக இருந்த ஒரு மேலை நாட்டு கார்ட்டூன் ஒன்று பல ஆண்டுகளுக்கு முன்னர் பார்த்திருந்தேன்.உலகின் மாபெரும் கோடீஸ்வரர் பில்கேட்ஸை கிண்டல் செய்யும் கார்ட்டூன்.

மைக்ரோஸாப்ட் நிறுவனத்தின் ஸ்லோகன் "WHERE DO YOU WANT TO GO TODAY?". சமாதி ஒன்றில் பில்கேட்ஸ் பெயரையும் அதற்குக் கீழே இந்த வாக்கியத்தையும் வரைந்து அருமையான ஒரு கேலிச்சித்திரம் உருவாக்கி இருந்தார்கள்.

அது இணையத்தில் கிடைக்கிறதா என்று தேடிப்பார்த்தேன் , கிடைக்கவில்லை.அதனால் நானே வரைந்து பதிவு செய்து வைத்துள்ளேன்.

பில்கேட்ஸ் என்ற மாமனிதனை எப்படி கிண்டல் செய்துள்ளார்கள் பாருங்கள் மக்களே!

யானை மீதேறி பூனை பிடிப்பது எப்படி?

அறிவுத்துறையில் அர்த்தநாரீஸ்வரர்கள் இருக்கிறார்கள். உடல் அமைப்பிலே ஆணும்,பெண்ணும் பாதி பாதி ஒட்டிக்கொண்டு ஓருருவமாக இருப்பதில்லை.மனப்பான்மையிலே பழமையும்,புதுமையும் பாதிபாதியாக ஒட்டிக்கொண்டு பலர் இருக்கின்றனர்.அறிவுத்துறையிலே உள்ள இந்த அர்த்த நாரீஸ்வரர்களால் ஏற்படும் அவதி சொல்லுந்தரத்தக்கதல்ல.சகலவகையான புதுமைச்சாதனங்களையும் வசதிகளையும் பயன்படுத்தி மகிழத்தான் செய்கிறர்கள்.அதேபோது பழமையையும் பெருமையாகப் பேசிக்கொள்ளவும் பழைய ஏற்பாடுகள்,சிதைந்து போன சித்தாந்தங்கள்,தகர்ந்து போன தத்துவங்கள்,வெட்டி வேதாந்தம் இவைகளைக் கட்டி அழுவதோடும் நிற்காமல் போற்றிப் புகழவும் செய்கிறார்கள்.அடிக்கடி ரேடியோவில் கேட்கிறோமல்லவா திருப்பாவைக்கு அர்த்தம்,திருவாசகத்துக்கு உரை,இவைப்போல பேசும் அவர்களோ,பேசச்சொல்லும் ரேடியோ நிலையத்தாரோ,ஒரு தடவையாவது சிந்திக்கிறோமா,ரேடியோ என்ன வகையான சாதனம்-எந்தக் காலத்தது?எவ்விதமான அறிவைக் கொண்டு கண்டுபிடிக்கப்பட்டது-இதனை-நாம் எந்தக் காரியத்திற்கு , எத்தகைய அறிவைப் பரப்பப் பயன்படுத்துகிறோம்ம் என்று எண்ணிப்பார்க்கிறார்களா? கிடையாது.ஏன்?அர்த்தநாரீஸ்வரர் மனம்!

குதிரை மீதேறிக்கொண்டு கொசு வேட்டைக்குக் கிளம்புவது,யானை மீதேறி பூனையைத் துரத்திப்பிடிக்க கிளம்புவது போன்று!

மூலம்:
http://www.arignaranna.info/kalanj_pagutharivu.htm

ஜோதிடம் உண்மையா? பொய்யா?.முடிவு என்ன?

விஜய் டிவியின் சென்ற வார நீயா,நானா நிகழ்ச்சி சிறிது நேரம் மட்டுமே பார்க்கும் வாய்ப்பு கிடைத்தது.ராசி பலன்கள் நம்மை ஆட்டுவிக்கின்றனவா என்ற தலைப்பில் நடந்த விவாதத்தில் சில காட்சிகளை பார்த்தேன்,படு காமெடியாக இருந்தது.பிரபல ஜோதிடர் கோழியூர் நாராயணன் (பத்து விரல்களிலும் மோதிரம் போட்டுக்கொண்டு ஜெயா டிவியில் வருபவர்) தலைமையில் ஒரு அணி.பகுத்தறிவாளர் சுப.வீரபாண்டியன் தலைமையில் ஒரு அணி.



ஜோதிடத்தின் படி ஒவ்வொரு ராசி,லக்கினத்திற்கும் ஒவ்வொரு குணங்கள் இருக்குமாம்.கோழியூர் இதை நிரூபிக்க வேண்டி எதிர்தரப்பினரிடம் அவர்களது சில குணங்களை சொல்ல சொல்கிறார்.மூன்று பேரிடம் அவ்வாறு கேட்கிறார்,மூவரும் தமது சில குணங்களை சொல்கின்றனர்.கோழியூர் அவர்களுக்கான ராசி,லக்கினத்தை சொல்கிறார்,மூன்றுமே தவறான விடை.

கோழியூராரின் முகம் இருண்டுவிட்டது,எச்சிலைக் கூட்டி விழுங்குவதை க்ளோஸப்பில் காட்டுகின்றனர்.



அடுத்து சுப.வீ நல்ல ஒரு கேள்வி கேட்டார்.குஜராத் பூகம்பத்திலும்,கும்பகோணம் தீ விபத்திலும் அத்தனை பேர் ஒரே நேரத்தில் மாண்டார்களே,அவர்கள் அனைவருக்கும் ஒரே ராசி,லக்கனமா என்பதை சொல்லுங்கள் என்று கேட்கிறார்.அதற்கு என்ன பதில் சொல்கிறார்கள் என்று தெரியவில்லை.ஏன் இந்தக் கேள்வி கேட்டார் என்றால்,ஒருவனுடைய ஜாதகத்தை வைத்து அவன் எப்போது இறப்பான் என்பதை கூறமுடியும் என்பது ஜோதிட அறிஞர்களின் கூற்று.

நிகழ்ச்சியை முழுவதும் பார்த்து ரசித்தவர்கள் அதில் இடம்பெற்ற சூடான,சுவையான விவாதங்களை இங்கே பகிர்ந்து கொள்ளுங்களேன்.

என்ட குருவாயூரப்பா

இந்தியாவில் கல்வியறிவு அதிகம் உள்ள மாநிலம் கேரளா.அம்மக்கள் கலை,இலக்கியம்,கலாச்சாரம் போன்றவற்றில் சிறந்து விளங்க ஒரு முக்கியமான காரணம் கம்யூனிச இயக்கம்.அந்த மண்ணிலே தன் கொலைக்கரத்தை விரிக்கத் தொடங்கியிருக்கிறது இந்து மதவெறி சக்திகள்,அதன் விளைவு தினமும் நடக்கும் அரசியல் படுகொலைகள்.கட்சியை வளர்க்க இவர்கள் பயன்படுத்தும் துருப்புச்சீட்டு,இந்து மத உணர்வு.

கம்யூனிஸ்டுகளால் நன்றாக பண்படுத்தப்பட்ட அந்த மண்ணிலேயே இவர்கள் தங்கள் மொள்ளமாரித்தனத்தை நன்றாக அரங்கேற்றுகிறார்கள்.ஆனால் தமிழ்நாட்டில் இவர்கள் பருப்பு இன்னும் வேகவில்லை,அதற்கான முயற்சிகளிலே தீவிரமாக இருக்கிறார்கள்.

கேரளாவில் காலூன்ற முடிந்த இவர்களால் தமிழ்நாட்டில் ஏன் காலூன்ற முடியவில்லை?கேரளத்தவர் தங்கள் மொழி உணர்வு,இன உணர்வு போன்றவற்றை பின்னுக்குத்தள்ளி தேசியம் என்னும் வறட்டு உணர்வில் விழுந்தது தான் காரணம் என்று எனக்குத் தோன்றுகிறது.

திடீரென்று இதை எழுதத் தோன்றியதன் காரணம் இன்றைய தினமலரில் வெளிவந்துள்ள இந்தச்செய்தி.
http://www.dinamalar.com/2007nov03/general_ind6.asp

பசுக்களை சரியாக பராமரிக்காததால் குருவாயூரப்பன் கோபமடைந்து உள்ளாராம்.மாட்டுக்கறி உண்ணும் பழக்கம் இயல்பாக உள்ள கேரளாவில் எத்தகைய பொய்ப்பிரச்சாரம்.

எங்கெல்லாம் மக்கள் விழிப்புணர்வு பெறுகிறார்களோ அங்கெல்லாம் மிகவும் வெறியோடு செயல்பட்டு வெற்றியும் அடைகின்றனர்.புத்தமதம் செழித்தோங்கிய பீகார்,காந்தி பிறந்த மண் குஜராத்,அடுத்து கம்யூனிஸ்டுகளின் கோட்டையாகிய கேரளா, நாளை தமிழகம்.

அப்பாவி மக்களின் ரத்தத்தில் கட்சியை வளர்க்க நினைக்கும் மதவெறி சிந்தனைகளுக்கு தமிழக மக்கள் என்றுமே இடம் தரக்கூடாது.தந்துவிட்டால் தென்காசியில் நடந்த குமார்பாண்டியன் படுகொலைகள் அன்றாட விசயமாகும் அவலத்தை யாராலும் தடுக்க முடியாது.

உயிரோடு விளையாடி

"பத்துத் தடவை பாடை வராது.

பதுங்கிக் கிடக்கும் புலியே தமிழா...

செத்து மடிதல் ஒரே ஒரு முறைதான்...

சிரித்துக்கொண்டே செருக்களம் வாடா!"

காசி ஆனந்தனின் கவிதைக்கு இலக்கணமாய் வாழ்ந்து மறைந்த தமிழ்ச்செல்வன் மற்றும் வீரர்களுக்கும் எமது வீரவணக்கங்கள்.